hossien

السلام عليكم الاخوه الزملاء كان ليا استفسار بخصوص الرياض، انا حاليا عايش بمكه في العزيزيه ومستريح جدا في العيشه في العزيزيه خصوصا انها كلها اجانب و مصريين و تقدر تتمشى في الشوارع و الاسره كمان ممكن تتمشى في امان لانها منطقه حيه، هل يوجد منطقه في الرياض و بنفس مستوى العزيزيه، بمعنى منطقه تكون راقيه و فيها خدمات ومصريين و اجانب و اسعار الشقق في المنطقه دي كام تقريبا وشكرا

السلام عليكم انا انشاءالله ناوي اعمل استقدام لزوجتي و ابني و كنت مجهز اوراقي من وانا في مصر شهادة الزواج و عليها ختم الخارجية المصرية شكله مربع و ختم مربع الشكل لسفارة المملكة العربية السعودية في القاهرة القسم القنصلي و كام ختم نسر كدا و نفس الموضوع في شهادة ميلاد ابني وشهادة التخرج عليها الاختام الاتية وزارة التعليم العالي (شكله مربع ) وزارة الخارجية اللي في احمد عرابي ( شكله مربع ) سفارة المملكة العربيه السعودية - الملحقية الثقافية ( شكله مربع ) المملكة العربية السعودية - وزارة التعليم العالي - الملحقية الثقافية بجمهورية مصر - شؤون التصديقات ( شكله دائري ) 3 اختام نسر و عليهم ارقام الجهات دلوقتي لي واحد زميلي بيعمل استقدام لزوجته و ابنائه قالولوا في مكتب الاستقدام ان فيه ختم ناقص في شهادة التخرج وهو ختم مربع الشكل اللي مختوم في شهادة ميلاد ابني و عقد الزواج و الاجراءات متعطلة بسبب الختم دا .. و ليا اتنين زمايلي تانيين عملوا استقدام لزوجاتهم بيقولولي الختم دا مش موجود عندهم و عملوا استقدام عادي بس دا كان من حوالي سنة تقريبا ... هل حد عنده فكره بالاختام المطلوبه كلها في شهادة التخرج علشان انا متشتت و عايز الحق ابعت الشهادة لو الختم دا مش موجود اختمها من مصر ؟؟؟؟

متشكر جدا يا جماعة على ردودكم و انشاءالله حسأل على المناطق اللي قولتوا عليها وجزاكم الله كل خير

طيب انا دورت في العزيزية عندي و عبدالله الخياط و سالت مكاتب بس الاسعار كانت عالية اقل حاجة لقتها كانت ب 20000 وكمان تشطيبها كان سيئ جدااااا ممكن رقم مكتب او عنوان حضرتك او اي حد يعرفه اتكلم معاه

السلام عليكم كيف احوال الاخوة المغتربين ؟ يا رب تكونوا بخير انشاءالله انا الحمدلله وصلت السعودية بقالي اكتر من شهر تقريبا طبعا على مطار جدة و حاليا قاعد في مكة :) واجهتني مشاكل اتصدمت بيها زي اي حد .... لكن عندي مشكلة كبيرة جدا و هي ان حقيبتي مفقودة من يوم 7-2-2014 و حتى الان لم يجدوها :unsure: .... يعني لو اي حد عنده معلومة تساعد او يعرف حد اخد شنطة بالغلط يا ريت يدلني لان كل ملابسي باكملها في الحقيبة دي و كمان فيها شغلي اللي كنت بشتغل فيه من اول ماتخرجت حتى الان .... مع العلم انا عملت هناك محضر و بكلمهم تقريبا شبه يوميا وبرضه مافيش جديد... ورحت مخازن خطوط طيران السعودية و لم اجد شئ ... نقطة تانية .... انا حاليا بدور على سكن في مكة يكون بحد اقصى 18000 سنويا بدون خروج حج و يكون عوائل و غرفتين وصالة و مطبخ و حمام .... وتكون نضيفة و كويسة لو اي حد عنده حاجه كويسة يدلني بس يكون قريب من الحرم علشان شغلي هناك .... انا حاليا قاعد في العزيزية و ماعرفش غيرها و دي اللي قاعد ادور فيها و لسه ماتوسعتش في البحث .... يعني لو حد وجد شئ في العزيزية والاحياء المجاورة ليها زي ستر اللحياني يدلني من فضلكم واسف جدا على الاطالة عليكم :) ... و شكرا للاخوة الكرام

متشكر جدا يا استاذة عبير على المعلومات القيمة واسف جدا اذا كنت تعبتك معايا ولو فيه اي اضافات جدبدة او معلومات جديدة عن مكة لا تبخلي علينا بها والف شكر مرة اخرى

الف شكر ليك يا استاذ اسلام على المعلومة دي

الف شكر ليكي يا استاذة عبير على المعلومات القيمة و الاكتر من ممتازة و الف شكر ليك يا استاذ اسلام على الاضافة الرائعة عن الامن و الاماكن هناك انتوا الحمدلله طمنتوني جدا بالنسبة لمكة بس فيه حاجة نسيت اسأل عليها تماما هي الشقق هناك مفروشه ولا لا ... وازا كانت كلها من غير عفش العفش تقريبا يتكلف كام لو انا جبت حاجات بسيطة و خشب مضغوط عادي ( مش لازم زان يعيني و الحاجات العالية دي :) )

الف شكر ليكي يا استاذه بس كان ليا استفسار على نقطة مصاريف الشهر : اكل وشرب وفواتير كهرباء وتيلفون و(موبايلات و نت ) و دي شركات الاتصالات بتعمل لها عروض باستمرار واحيانا استهلاك مياه لو العمارة كبيرة بغض النظر عن الموبايلات ... الكهربا و المياه ايه نظامهم تقريبا في المصاريف

السلام عليكم و رحمة الله ازيكم يا شباب انا انشاءالله مسافر مكة قريبا و كنت طالب بعض المعلومات عن المعيشة في مكة هناك اولا كنت عايز اعرف السكن في شقة بها غرفتين و صالة مساحتها جيدة و مطبخ و حمام تتراوح تكلفتها تقريبا بكام في المناطق الراقية و المناطق المتوسطة او الجيدة و ايضا اسماء تلك المناطق علشان اعرف اذا كانت قريبة من العمل ولا لا ... ثاينا عايز اعرف تكلفة المعيشة الشهرية تقريبا كام لاسرة مكونة من زوج و زوجة و طفل مع العلم ان الطفل مولود جديد , وهل يوجد مصاريف شهرية معتادة غير الطعام ؟ ثالثا هل يوجد اماكن ترفيهية للاسرة ممكن نتفسح فيها زي سينيما او صالات بولينج او اي حتة الواحد يخرج فيها ولا كله موجود في جدة؟؟؟ رابعا المواصلات ايه ظروفها هناك يعني التكسي يوم ما يتمعظم حياخد كام و لو عايز اشتري سيارة تبدا من كام و ممكن اشتري حاجة مستعملة ؟؟؟ ولو فيه معاومات تانية ممكن تفيدني غير الاسئلة دي يا ريت تيفيدوني بيها والف شكر لكم ..........